FIFA ka hapur procedura disiplinore kundër Federatës Serbe të Futbollit në lidhje me një akt propagande politike. Një flamur që i referohej shtetit fqinj të pavarur të Kosovës, ishte varur në dhomën e zhveshjes serbe. Ky episod i shëmtuar ndodhi para se Serbia të luante kundër Brazilit të enjten. Ajo tregonte një hartë të Serbisë, që përfshinte territorin e ish-krahinës së saj dhe sloganin "Asnjë dorëzim".
Lexo më tej: Video/ Richarlison shënon golin më të bukur në Katar: Brazili ‘shtyp’ Serbinë me dy gola e dy shtylla
Kosova është shtet i pavarur prej gati 15 vjet. Fotot e flmurit provokues kanë qarkulluar në rrjetet sociale. Ai flamur ishte vendosur mbi dollapët e Milos Veljkovic dhe Andrija Zivkovic para humbjes së tyre 2-0 ndaj Brazilit. Të shumtë kanë qenë të indinjuarit në Kosovë dhe Shqipëri. Serbia nuk e njeh pavarësinë e Kosovës, por ky gjest mund të sjellë një sanksion të tyre nga Federata ndërkombëtare e futbollit.
