Kreu i Partisë Demokratike, Sali Berisha ka folur për protestën e 6 dhjetorit gjatë konferencës së tij të përjavshme me gazetarët.
Berisha tha se është gënjeshtër që masat e sigurisë i janë kërkuar kryeministrit Edi Rama nga Bashkimi Europian dhe u bëri thirrje këtyre të fundit të mos i besojnë gënjeshtrave të tij.
“U bëj thirrje edhe organeve të sigurisë të BE të mos pranojnë një teatrizim të turpshëm të qytetit. Shqiptarët janë mikpritës. Ato që kemi i kemi me Edi Ramën. Siguria e tyre përbën përparësi absolute”, tha Berisha.
