Pasi kaluan grupet e tyre në rrethana dramatike, vetëm tre ditë më vonë Argjentina dhe Australia takohen në stadiumin Ahmad bin Ali në 1/8. Aventurat e të dy vendeve në Kupën e Botës vazhdojnë tani në fazat me eliminim, pas rikuperimit të Albiceleste nga një humbje e parë shokuese ndaj Arabisë Saudite. Socceroos ndërkohë fituan ndeshjen direkte ndaj Danimarkës për tu prezantuar sot në mbrëmje në fushë.
ARGJENTINA
Rrezikoi eliminimin, por Argjentina me dy fitore ndaj Meksikës dhe Polonisë siguroi vendin e parë në Grupin C. Kështu, për herë të 11 në 12 Kupat e fundit, dy herë kampionët e botës kanë kaluar në fazën eliminatore. Albiceleste mbeten ndër të preferuarit e shumë ekspertëve për të ngritur trofeun e Kupës së Botës në fund të këtij muaji. Scaloni është ankuar për faktin se do të kthehen të luajnë pas dicka më shumë se dy ditësh pushim, por të njëjtën gjë ka bërë edhe Asutralia. Megjithatë, tekniku e di se asnjë justifikim nuk do të pranohet në Argjentinë.
Për të luftuar shqetësimet rreth lodhjes, trajneri fitues i Kupës së Amerikës mund të besojë te disa lojtarë të talentuar që kanë dalë nga skajet e skuadrës së tij. Mac Allister, Alvarez dhe Enzo Fernandez i Benfica mund të japin freski të udhëhequr natyrisht nga Messi. Sulmuesi i pazëvendësueshëm i Argjentinës me siguri do të jetë përsëri integral, në përpjekje për të arritur një çerekfinale me Holandën ose Shtetet e Bashkuara. Por Pleshti do të ketë nevojë për ndihmën e të gjithë ekipit, që bëri një seri prej 36 ndeshjesh i pamposhtur, deri javën e kaluar.
AUSTRALIA
Duke pasur parasysh hendekun në staturë mes dy kombëtareve në aspektin futbollistik, nuk janë befasi precedentët. Australia ka humbur të katër takimet e fundit me Argjentinën. Këtu futet edhe një playoff vendimtar për të arritur në SHBA '94, por Socceroos fituan 2-0 kur skuadrat u përplasën në Lojërat Olimpike të Tokios vitin e kaluar. Skuadra e Graham Arnold mbërrin në Al Rayyan për një takim me fatin. Australia merr pjesë në raundet e eliminimit të Kupës së Botës për herë të parë që nga 'brezi i artë' i 2006.
Socceroos sfiduan pritshmëritë për të përfunduar në vendin e dytë në Grupin D, pas Francës. Kampionët në fuqi madje kaluan vetëm me diferencë golash si e parë. Arnold ka ndërtuar një skuadër pragmatiste australiane, e përbërë kryesisht nga lojtarë jo të klubeve të rëndësishme evropiane. Kështu që me gjithë euforinë e çliruar nga fitorja me Danimarkën, ata janë të vetëdijshëm për atë që i pret në mbrëmje. Australia është sigurisht një outsider, por do të mundohet të rrëzojë Argjentinën. Kjo do të thoshte kalim në tetëshen e fundit, për herë të parë ndonjëherë.
FORMACIONET
Formacioni i mundshëm i Argjentinës:
E. Martinez; Molina, Otamendi, Romero, Tagliafico; Mac Allister, Fernandez, De Paul; Alvarez, Messi, Di Maria
Formacioni i mundshëm i Australisë:
Ryan; Karacic, Souttar, Rowles, Behich; Mooy; Leckie, Irvine, McGree, Goodwin; Duke
