Sot më Tiranë do të mbahet samiti BE-Ballkani Perëndimor. Për këtë arsye, kryeqyteti është bllokuar nën masa të rrepta sigurie. Masat e sigurisë në bulevardin ‘Dëshmorët e Kombit’ janë më striktet. Një numër i madh i forcave të policisë ka blinduar të gjithë sheshin. Siç shihet dhe nga pamjet e publikuara bulevardi është rrethuar me kangjella prej hekuri.
Përqendrimi më i lartë i forcave të sigurisë është në hyrje të bulevardit.
[video width="640" height="352" mp4="https://cdnimpuls.com/lapsi.al/wp-content/uploads/2022/12/WhatsApp-Video-2022-12-06-at-9.08.16-AM-1-1.mp4"][/video]
Kujtojmë se janë marrë masat në kuadër të masave të sigurisë për samitin e BE. Policia rrugore ka përcaktuar perimetrin e sigurisë së lartë. Për mbarëvajtjen e samitit ajo ka publikuar hartën e rrugëve, në të cilat nuk lejohet kalimi dhe parkimi i automjeteve, Që në orën 06:00 të mëngjesit policia ka mbyllur hyrjet në Tiranë nga Durrësi, Elbasani dhe qytetet në veri të vendit. Bulevardi “Dëshmorët e Kombit” do të jetë i bllokuar. Në njoftimin e Policisë rrugore bëhet me dije që ”për mbarëvajtjen e samitit do të ketë bllokime të disa akseve rrugore urbane dhe interurbane të Tiranës”.
