Sot është 8 dhjetor, festa kombëtare e Rinisë, në nderim të të gjithë studentëve të dhjetorit 1990 dhe gjithë rinisë shqiptare. Natën e 8 dhjetorit 1990, rreth 300 studentë nisën atë që më vonë u quajt Lëvizja Studentore 90-ës. Të organizuar ata marshuan nga Qyteti Studenti drejt qendrës së Tiranës. Kështu ata u bënë nismëtarë të kthesës së madhe historike të vendit, duke u ngritur në protesta që sollën rënien e sistemit komunist dhe ardhjen e demokracisë.
Marshimi i tyre ndaloi mes qytetit të tyre dhe bulevardit të Tiranës. Radhët e tyre ishin shtuar minutë pas minute dhe turma kishte mbërritur deri në 1000 persona. Përkundër paraqitjes së forcave policore, studentët nuk u ndalën.
Me shprehjen “E duam Shqipërinë si gjithë Europa”, të rinjtë rrëzuan statujën e ish-diktatorit Enver Hoxha. Ata kërkuan ngritjen e sistemit të vlerave perëndimore dhe të shtetit të së drejtës. Po ashtu apeluan integrimin në Europë dhe garantimin e pluralizmit politik si bazë kryesore për një shoqëri të lirë e demokratike.
Lëvizja Studentore do të vijonte me organizime e protesta edhe në ditët e para të vitit 1991 deri në ditët e grevës së urisë. Ato kulmuar mesditën e 20 shkurtit 1991, kur studentët të mbështetur nga pedagogët dhe shumë qytetarë të Tiranës, zbarkuan në sheshin Skënderbej, duke rrëzuar përfundimisht diktaturën komuniste dhe duke sjellë për shqiptarët lirinë e munguar gjatë pothuaj gjysmë shekulli.
