Gjatë kësaj jave, Kosova do të aplikojë për anëtarësim në Bashkimin Europian. Kjo u bë e ditur nga kryeministri Albin Kurti. Ai u shpreh “ka ardhur koha që statusin potencial për kandidat ta kthejmë zyrtarisht në kandidat për anëtarësim”.
“Para një viti bëmë të ditur se aplikimin për anëtarësim do ta bëjmë këtë vit dhe sot në këtë mbledhje po ju njoftojmë se aplikimin në Bashkimin Europian do ta dorëzojmë këtë javë. Ka ardhur koha që statusin potencial për kandidat ta kthejmë zyrtarisht në kandidat për anëtarësim. Bashkimi Europian është vend i paqes dhe vendi ynë natyrisht se e ka vendin në këtë shtëpi”, tha Kurti.
