Ambasadorja e SHBA në Tiranë, Yuri Kim, u shpreh se do të jetë edhe ca më gjatë në Shqipëri. Kjo edhe pse në janar të vitit të ardhshëm asaj i mbaron mandati. Deklaratën e saj Yuri Kim e bëri sot në godinën e Këshillit të Lartë Gjyqësor.
“Kam 3 vite në Shqipëri, dhe do jem këtu edhe për ca më gjatë. Por kam mësuar që ka një sfidë të madhe këtu, që nuk ndodh se Shqipëria është unike e keqe apo e korruptuar, jo. Por ka histori këtu dhe duhet respekt dhe empati për historinë e këtij vendi për provojnë dhe sfidat që ky vend përballë.” tha Yuri Kim.
Diplomatja amerikane u ndal edhe tek zbatimi i Reformës në Drejtësi. Ajo theksoi se gjyqtarët duhet të japin drejtësi dhe jo të kryejnë hakmarrje personale. Kim po ashtu bëri thirrje për krijimin sa më shpejt të Gjykatës së Lartë, për të cilën tha se mund të krijohet në 3 muajt e parë të vitit 2023.
