Kreu i Partisë Demokratike, Sali Berisha, mbajti sot një konferencë me gazetarët ku komentoi zhvillimet e fundit në vendin tonë. Berisha cilësoi të turpshme deklaratat e kryeministrit, Edi Rama dhe amsadores së SHBA-ve në Tiranë, Yuri Kim për zgjedhjen e kreut të ri të SPAK-ut, që janë duke u zhvilluar.
Më tej ai tha se Yuri Kim po mbron në minumim dështimin e reformës së Sorosit në Shqipëri. Sipas Berishës, Yuri Kim mbron mashtrimet që i ka bërë shefave të vet, ajo mbron veten sepse ka përdorur korrupsionin për të luftuar antikorrupsionin në Shqipëri.
Sipas tij ambasadorja Yuri Kim mban peng me dosje kreun e qeverisë.
Ndërkohë tha se SPAK është një institucion i korruptuar dhe se mbron dosjet e vrasësve.
“Çfarë qëndron në themelin e betejës së Yuri Kim? Unë ju ftoj të lexoni, nuk gjeni sot në planet një vend të dytë, dhe unë kam bërë kërkime, nuk gjendet një vend të dytë ku një ambasadore të sillet siç sillet guvernatorja në Tiranë. Çfarë kujtoni se mbron ajo? Mbron në minumim dështimin e reformës së Sorosit në Shqipëri. Por mundet edhe më shumë.
Ajo mbron mashtrimet që i ka bërë shefave të vet, ajo mbron veten sepse ka përdorur korrupsionin për të luftuar antikorrupsionin në Shqipëri.
Ndaj dhe ajo nuk njeh kufi, ndaj edhe sillet. Po pse sillet në këtë mënyrë? Sepse e ka peng me dosjen Edi Rama.
Nuk ndodh kurrë në botë kjo. Nuk kam lexuar kurrë që në mënyrë kaq të paskrupullt, kaq jodinjitoze, kaq fyese për një popull dhe vend sovran, të sillet një përfaqësuese e vendit që konsiderohet partneri strategjik më i rëndësishëm”, tha Berisha.
