Bashkimi Evropian do të mbajë një samit me presidentin e Ukrainës, Volodymyr Zelensky më 3 Shkurt por vendndodhja ende nuk është vendosur. Zelenskyy ka bërë paraqitje të rregullta përmes video-lidhjeve në samitet e BE-së që nga fillimi i pushtimit rus në muajin shkurt.
Së fundmi, ai bëri udhëtimin e tij të parë jashtë vendit që nga nisja e luftës kur vizitoi SHBA-në. Kryetari i 27 liderëve të BE-së Charles Michel dhe kryetarja e Komisionit Evropian Ursula von der Leyen do të takohen me Zelenskyy për konferencën, konfirmoi një zëdhënës.
“Mund të konfirmoj se samiti BE-Ukrainë do të zhvillohet më 3 shkurt dhe ka një ftesë të hapur për presidentin Zelenskyy për të vizituar Brukselin”, tha Barend Leyts, zëdhënës i kryetarit të liderëve të BE-së. Zëdhënësi tha se ftesa për Zelenskyy për të vizituar Brukselin nuk do të thotë se aty do të mbahet samiti.
Zyrtarët thanë se tema e ngjarjes do të jetë se si BE mund të vazhdojë të mbështesë Ukrainën kundër Rusisë. Udhëheqësit e dy institucioneve kyçe të BE-së do të vlerësojnë gjithashtu rrugën e Ukrainës për t’u bërë anëtare e bllokut – diçka që Zelensky e ka kërkuar që nga fillimi i luftës.
