Politikani nga Omani ofron 1 milionë dollarë për Bisht: manteli i respektit iu dhurua Lionel Messi në Katar

Një avokat e anëtar i parlamentit të Omanit i ka ofruar yllit të futbollit argjentinas Lionel Messi 1 milion dollarë për tashmë të famshmin 'bisht'. Pikërisht mantelin e respektit që Messi veshi të dielën e kaluar para se të ngrinte lart trofeun e Kupës së Botës. Ahmed Al Barwani, politikani 41 vjeçar, e ka bërë ofertën e tij përmes një postimi në Twitter. Ai i tregoi gazetës 'The National' se është gati të paguajë më shumë nëse lojtari dëshiron të negociojë. Al Barwani shpreson ta mbajë 'bisht' në Lindjen e Mesme. Ikonës së futbollit iu dha manteli nga Gianni Infantino për ta përdorur në momentin e ngritjes së Kupës në shenjë nderi. Në fakt, dhurimi i 'bisht', që mbuloi pjesërisht uniformën e Argjentinës, u kritikua nga lojtarë si Gary Lineker dhe Pablo Zabaleta pikërisht për këtë arsye.

PROPOZIMI 1 MILION DOLLARË

'Bisht' është një veshje tradicionale në Lindjen e Mesme, e zbukuruar me ar dhe vishet për raste të veçanta. Manteli iu dorëzua yllit të PSG-së në shenjë respekti për gjithçka që kishte arritur në turneun në Katar dhe në futboll në tërësi. E tani, avokati dhe deputeti nga Omani, Ahmed Al Barwani, i ka ofruar numrit 10 një shumë të konsiderueshme. Qëllimi është se politikani kërkon të mbajë një pjesë të rëndësishme të historisë arabe në Lindjen e Mesme: “Nga Sulltanati i Omanit ju përgëzoj për fitimin e Kupës së Botës Katar 2022 … bisht arab, një simbol i kalorësisë dhe mençurisë. Unë po ju ofroj 1 milion dollarë në këmbim të 'bisht'”.

صديقي ميسي.. من #سلطنة_عمان أبارك لكم فوزكم بـ #كأس_العالم_قطر_2022 أبهرني الأمير @TamimBinHamad وهو يُلبسك #البشت_العربي ،رمز الشهامة والحكمة.#ميسي أعرض عليك مليون دولار أميركي نظير أن تعطيني ذلك #البشت#Messi? I'm offering you a million $ to give me that bisht@TeamMessi pic.twitter.com/45BlVdl6Fh

— أحـمَـد الـبـَروانـي (@AhmedSAlbarwani) December 20, 2022

Hassan Al Thawadi, sekretar i përgjithshëm i komitetit organizues të turneut të Katarit, vlerësoi Kupën e Botës si një “festë rajonale” dhe jo vetëm e Katarit. Lëvizja për t’i dhuruar një 'bisht' për Lionel Messi ka të ngjarë të vazhdojë të ndajë opinionet. Megjithatë është e qartë se kjo do të thotë shumë për ata që banojnë në Lindjen e Mesme.