Shërbimi i Serbisë për Siguri dhe Informim bën me dije se ka arrestuar një shtetas të nacionalitetit shqiptar me inicialet A.B. Ai akuzohet për terrorizëm. Shqiptarit i janë sekuestruar një sasi e madhe armatimi. Aty përfshihen 10 pushkë, një snajper, një kilogram eksploziv, si dhe municione.
Autoritetet serbe deklarojnë se armët janë siguruar në mënyrë ilegale dhe kishin si destinacion Kosovën. Shqiptari i ndaluar është dërguar në paraburgim ku do të qëndrojë 48 orë deri në caktimin e masës së sigurisë për të.
