Brazili në lot i jep lamtumirën sot Pelè. Në stadiumin Urbano Caldeira (i quajtur nga të gjithë Vila Belmiro), është organizuar ceremonia mortore për O'Rey. Katër Harley Davidson i kanë hapur rrugën makinës funerale në rrugën Anchieta, deri në mbërritjen në stadium. Braziliani u nda nga jeta në 29 dhjetor në moshën 82 vjecare. Tifozët dhe personalitet nga e gjitha bota mund t'i japin përshëndetjen e fundit legjendës braziliane për të gjithë 24 orët që impianti do të qendrojë i hapur.
Trupi i Pelé është pritur nga qindra njerëz që kishin qëndruar në radhë për më shumë se 12 orë. Arkivoli u shoqërua nga katër Harley Davidson, të cilat i hapnin rrugën makinës funerale në rrugën Anchieta. Që nga ai moment, makina të Policisë Civile, Ushtarake dhe Rrugore, si dhe nga Trupat ofensive, shoqëruan O'Rey në një udhëtim prej gati 90 km përmes Serra do Mar, që zgjati një orë e 53 minuta. Një bllok para stadiumit, në Rua Princesa Isabel, tifozët e Santos ndezën fishekzjarre për nder të numrit 10 të përjetshëm. Me flamuj dhe duartrokitje, të paktën 50 persona shoqëruan makinën para stadiumit.
KATËR HARLEY UDHËHEQIN RRUGËN
Arkivoli u transportua nga spitali izraelit 'Albert Einstein' direkt në stadium dhe u vendos në qendër të fushës. Funerali do të bëhet të martën dhe do të paraprihet nga një procesion nëpër rrugët e Santos. Trupi më pas do të varroset në Nekropolin Ekumenik Memorial, pas një ceremonie private të rezervuar për familjen. Arkivoli i kampionit të botës tre herë do të kalojë më pas para shtëpisë së nënës së tij 100-vjeçare, Celeste. Vetëm familjarët do të marrin pjesë në ceremoninë e varrimit, të planifikuar për në orën 18:00 të së martës në Varrezat Ekumenike të Nekropolit.
AUTORITETET TË SHUMTË TË PRANISHËM
Tifoz i Santos dhe miku i Pele, ministri i Gjykatës së Lartë Federale të Brazilit, Gilmar Mendes, ishte autoriteti i parë që mbërriti për ceremoninë e O'Rey. Mendes kujtoi se të dy ishin pjesë e qeverisë së Fernando Henrique Cardoso. Në atë kohë, ai si prokuror i përgjithshëm i Unionit dhe Pelé ministër i sportit. “Ne bëmë ligjin Pele dhe nuk doja të shmangia këtë homazh të fundit”, tha Mendes.
Ministri pastaj tregoi se kishte “shumë nga fanellat me autografe të Mbretit në zyrën e tij në Gjykatën e Lartë". Pas humbjes së bujshme 7-1 të Brazilit në Kupën e Botës në shtëpi kundër Gjermanisë "ai më telefonoi dhe më pyeti se çfarë kishte ndodhur. Unë u përgjigja duke thënë se nuk e dija, por m'u kujtua që kur luante te Santos, Pele' kishte humbur 6-2 kundër Cruzeiro, po në stadiumin Mineirão. Mendes, pastaj, kujtoi një frazë të ish-presidentit amerikan Barack Obama sipas së cilës Pele' është i pazëvendësueshëm: "Unë nuk jam tifoz i Santos, por një Peleist". Mes të pranishmëve, kryetari i bashkisë së São Paulo, Ricardo Nunes, guvernatori Tarcísio de Freitas, presidentët e FIFA-s, Gianni Infantino dhe i CBF, Ednaldo Rodrigues. Santos ka rezervuar një hyrje të veçantë për ish-lojtarët.
