Presidenti i Ukrainës, Volodymyr Zekensky, deklaron se Rusia po planifikon një fushatë të zgjatur të sulmeve me dronë në një përpjekje për të demoralizuar Ukrainën.
Volodymyr Zelensky bën me dije se ka marrë raporte të inteligjencës që sugjerojnë se Moska do të nisë sulme të reja duke përdorur dronët Shahed të prodhuar nga Irani.
Deklarata e Zelenskyt vjen menjëherë pasi Ukraina kreu një sulm, ku si pasojë vrau qindra ushtarë rusë në rajonin e Donbas. Nga ana e saj Rusia tha se sulmi ukrainas vrau 63 nga trupat e saj ushtarakë, shkruan BBC.
“Ne duhet të sigurojmë dhe do të bëjmë gjithçka për këtë që ky synim i terroristëve të dështojë si gjithë të tjerët,” tha Zelensky gjatë fjalës së tij mbrëmjen e kaluar.
Sulmet ruse të dronëve në Ukrainë janë shtuar ditët e fundit, me Moskën që ka nisur sulmet në qytete dhe termocentrale në të gjithë vendin gjatë tre netëve të fundit.
