Mesazhi i Administratorit të Deleguar të Inter, Marotta, ishte i qartë. Interi bëri të pamundurën për t'i ofruar Skriniar një kontratë të re, të denjë për vlerën e tij dhe në përputhje me aksionet financiare të klubit. Maksimumi. Ndoshta, edhe pak më shumë. Pikërisht për vlerësimin dhe besimin që të gjithë kanë për njeriun dhe për futbollistin. E pamundura, nga ana tjetër, nuk është në dorën e askujt, aq më pak shoqërisë. Ndaj, kushtet janë të qarta: gjashtë milionë, plus bonuset dhe një kontratë katërvjeçare. Ky është propozimi përfundimtar, që e lejon Marotta të jetë optimist dhe realist në të njëjtën kohë.
Por, tani, Skriniar duhet të japë një përgjigje. Duhet të sqarojë mendimet e tij për klubin dhe për tifozët. Vetëm në këtë mënyrë, edhe në rast ndarje në qershor, raporti mund të vazhdojë i qetë edhe në muajt në vijim. Pastaj, hipoteza e dytë, vetëm në këtë mënyrë Inter do të mund të mendojë për zëvendësime të menjëhershme, në rast se ekziston mundësia e arkëtimit që në janar. Por këto janë konsiderata që tashmë shkojnë përtej.
AFATI I DHËNË NGA INTER
Për momentin, mbetet afati i caktuar deri në përfundim të këtij sesioni të merkatos. Interi i ka lënë kohë Skriniar dhe stafit të tij deri në fund të muajit. E megjithëse të vetëdijshëm për momentin delikat, zikaltrit vazhdojnë të mendojnë se një tym i bardhë është i mundshëm. Bindja që lind nga njohja e lidhjes së fortë emocionale mes Skriniar dhe ngjyrave zikaltër. Edhe ndaj Napolit, sllovaku ishte kryesuesi i grupit në festimet poshtë sektorit ultras. Lider në fushë dhe jashtë, gjatë nëntëdhjetë minutave e më pas.
Faktorë që peshojnë dhe po e shtyjnë lojtarin të mendojë me kujdes, pa përqafuar ofertat e huaja edhe pse shumë më superiore. Tani, megjithatë, Marotta ka vendosur kufij: nuk mund të shkojmë më tej. Qartësia do t'u shërbejë të dyja palëve. Para së gjithash për të mirën e Inter.
