Retorika e ashpër mes Turqisë dhe Greqisë me kërcënime të drejtpërdrejta ka vijuar. Gjatë një dalje të fundit për mediat, presidenti turk, Recep Tayyip Erdogan përsëriti thirrjen drejtuar Athinës zyrtare që të mos ngatërrohet me Turqinë në detin Egje.
“Nuk kemi asnjë problem me Greqinë për sa kohë ajo nuk ngatërrohet me Turqinë në Egje. Ne testuam raketën Tayfun. Sa është largësia e Tayfun-it? 561 kilometra. Çfarë bënë grekët? Ata u shqetësuan. Gazetat menjëherë shkruan tituj: ‘Do të godasin Athinën”, u shpreh Erdogan gjatë një ceremonie në Antalia.
Turqia testoi raketën e saj balistike me rreze të shkurtër veprimi Tayfun të prodhuar në vend në muajin tetor. Raketa mund të godasë një objektiv në një distancë 561 kilometra në vetëm 456 sekonda.
