Përplasjet e dhunshme midis tifozerive ultras të Romës e Napolit, që bllokuan autostradën për orë të tëra, nuk ishin një episod i rastësishëm. Sipas asaj që zbulohet ishte vetëm pasoja e fundit (për momentin) e një "pakti hakmarrjeje". Një pakt i nënshkruar nga ultrasit napolitanë me ultrasit e gjysmës së Europës. Lajmin e ka dhënë Corriere della Sera. Sipas rindërtimit të tyre, ka një pakt europian midis ultrasve për të rrahur romanistët. E gjitha për t'u hakmarrë për vdekjen e Ciro Esposito, në nëntor 2014: "Kush rreh një romanist nuk mbetet vetëm".
'Pakti' është bërë publik, me një pankartë të vendosur në sektorin e tyre nga tifozët e Napolit, gjatë ndeshjes së luajtur kundër verdhekuqve në nëntor të nëntë viteve më parë: "Çdo fjalë është e kotë, nëse ka mundësi nuk do të kemi mëshirë".
LIDHJA E PAKTIT
Fjalët që nisën zyrtarisht gjuetinë ndaj romanistëve, të inauguruar rreth dy javë pas vendosjes së banderolës. Dyqind ultras të Atalantës tentuan të sulmonin autobusët e tifozëve të Romës. Nëntë prej tyre u arrestuan, ndërsa pak më pas u shfaqën muralet e shkuara në Napoli me fjalët "Jashtë Bergamo nga burgjet". Madje, midis shkallëve të ish-San Paolos, u hap një fond për të mbështetur shpenzimet ligjore të atalantinëve që ishin në burg.
“Nëse rreh një romanist, askush nuk mbetet vetëm”. Kjo është motoja që ka nisur sulmet kundër verdhekuqve dhe që ka bashkuar ultrasit e gjysmës së Europës. Përfshirë ata të PSG, që përzunë ata që mbështesnin romanistët, apo ato të Mynih 1860 dhe Borussia Dortmund në Gjermani. Nuk duhen harruar ultrasit serb të Crvena Zvezda dhe të Plovdiv në Bullgari. Edhe ata sulmojnë verdhekuqtë sa herë që kanë mundësi në emër të atij pakti.
