Avokatët e Cristiano Ronaldos kanë marrë dritën jeshile të gjykatësit për seancat paraprake. Leja konsiston për të parë dokumentet e hetimit Prisma të kryer nga prokuroria e Torinos për llogaritë e Juventusit. Lajmi është bërë i ditur nga Gazzetta dello Sport. Në qendër të interesit të stafit të asit portugez është ‘karta Ronaldo’. Ky dokument do t’i garantonte lojtarit 19.9 milionë euro të kursyera zyrtarisht nga bardhezinjtë në ‘manovrën e pagës’. Por, sipas provave të gjetura nga prokurorët, sulmuesi mund t'i kërkojë nëpërmjet një dokumenti privat të hartuar me drejtuesit: ai që quhet karta Ronaldo.
Lexo më tej: Juventus i shpëton zbritjes së pikëve: ‘karta Ronaldo’ rrezikon gjobë deri në 60 milionë euro
Më 4 nëntor, përmes avokatëve të tij, Cristiano Ronaldo u paraqiti gjykatësve të Torinos kërkesën specifike. Pikërisht në lidhje me hetimin e llogarive të Juventus, ku ishte e nevojshme të kishin një kopje të dokumenteve të hetimit, "duke pasur interes për të". Kërkesa u refuzua sepse u konsiderua shumë gjenerike dhe kontradiktore. Edhe sepse CR7 duhet të ishte në dijeni të asaj që po ndodhte në klub. Kësaj radhe, pas paraqitjes së një kërkese të re më të detajuar është dhënë aprovimi. Kërkesa është hartuar me prokurë të dyfishtë në anglisht dhe italisht nga avokatët e tij, duke siguruar miratimin. Është i pashmangshëm zyrtarizimi nga gjykatësi hetues i datës së seancës paraprake, e cila vështirë se do të jetë para muajit mars.
