Pas humbjes në El Clasico në La Liga, Barcelona hakmerret në Superkupën e Spanjës. Finalja në Riad i buzëqesh blaugranave, që mposhtën Real Madrid me një 3-1 që nuk lë asnjë dyshim. Heroi i takimit ishte Gavi, i cili zhbllokoi rezultatin në minutën e 34-të dhe më pas ofroi asist për Lewandowski (44') dhe Pedri (69'). Goli i Benzema në shtesë (93') ishte i kotë. Kështu, mbërrin titulli i parë si trajner i Barçës për Xavi.
Xavi feston titullin e tij të parë si trajner i Barcelonës, në një natë për t'u mbajtur mend. Blaugranat hakmerren për humbjen në El Clasico, në La Liga, duke mposhtur Real Madrid me rezultatin 3-1. Kështu, Superkupa e Spanjës i përket Barçës, e cila dominoi gjatë gjithë ndeshjes. Shanset e para ishin për Lewandowski, i cili fillimisht goditi lart dhe, më pas, u bllokua nga Courtois. Benzema u përgjigj pa arritur të bëjë keq. Në minutën e 34' Real shkon në disavantazh. Një gabim në dalje aktivizon Lewa, i cili i shërbeu Gavi, i aftë të befasojë portierin me këmbën e majtë. Militao shmangu dyfishimin, i cili erdhi gjithësesi në minutën e 44'. Këtë herë ishte Gavi që i ktheu favorin Lewandowski, që gjeti 2-0 dhe drejtoi përfundimisht ndeshjen.
[video width="992" height="544" mp4="https://cdnimpuls.com/lapsi.al/wp-content/uploads/2023/01/Lewa-gol.mp4"][/video]
ANCELOTTI NUK E NDRYSHOI DOT NDESHJEN
Në pjesën e dytë Ancelotti futi Rodrygo, por nuk e shkundi skuadrën e tij. Courtois shpëtoi rezultatin ndaj Dembelé dhe Lewa, por nuk mundi të bëjë asgjë ndaj Pedri. Mesfushori firmosi trisin në minutën e 69'. Një gol që vjen pas një tjetër asisti të Gavi, një showman autentik në sfidë. Fundi i ndeshjes i përket tërësisht Real Madrid, që kërkoi golin e flamurit dhe e gjeti në minutën e 93' me Benzema. Një gol që erdhi shumë vonë dhe vlen vetëm për statistika. Barcelona fitoi 3-1 dhe rrëmben Superkupën e Spanjës, me një leksion autentik futbolli për rivalët e saj.
[video width="992" height="544" mp4="https://cdnimpuls.com/lapsi.al/wp-content/uploads/2023/01/Benzema-gol.mp4"][/video]
