Jack Grealish u përfshi në një 'diskutim' të nxehtë së bashku me Pep Guardiola dhe Harry Maguire. Gjithcka ndodhi në tunelin e dhomave të zhveshjes, pas fitores 2-1 të Manchester United në derbi. Lajmi është dekonspiruar nga ish-futbollisti norvegjez i Middlesbrough dhe Sheffield United, tani analist në TV Jan Aage Fjortoft. Sipas 56 vjecarit, e gjithë situata ndodhi pasi Bruno Fernandes shënoi golin e diskutueshëm të avantazhit. Për golin disa argumentuan se duhej të anulohej, sepse Marcus Rashford ishte në pozicion jashtë loje dhe mund të ketë influencuar në aksion.
Mbrojtësi i Manchester City, Manuel Akanji, u ankua ndaj arbitrit në një debat të nxehtë me Kyle Walker dhe Grealish pas ndeshjes. Pyetja e tij ishte përse arbitrit nuk i ishte kërkuar të kontrollonte monitorin pas një goli kaq të diskutueshëm.
Sipas Fjortoft në një video që ai postoi në Twitter, pas ndeshjes pati një shkëmbim nervoz mes lojtarëve në tunel. Grealish, i cili shënoi golin e vetëm të City në ndeshje ishte “shumë i zhgënjyer” por “jo agresiv”. Ai po shfrynte inatin në tunel, ndërkohë që edhe menaxheri i Citizens dhe kapiteni i United po “debatonin pak”.
