Aaron Ramsdale e përfundoi derbin e Londrës së Veriut mes Tottenham dhe Arsenal në Premier League si protagonist i një sekuence plot ngjarje. Me topin në dorë, ai nervozoi Richarlison, i vetëdijshëm se ekipi i tij tashmë e kishte fituar ndeshjen. Sulmuesi i Spurs nuk duroi por iu afrua dhe e goditi me shuplakë. Më pas, Aaron u largua në drejtim të tribunës, ku një tifoz ka shfrytëzuar rastin për t'u ngjitur mbi tabela, duke e goditur në shpinë.
Ky fakt ka sjellë pasoja të drejtpërdrejta ndaj tifozit. Policia britanike njoftoi këtë të martë se kishte identifikuar agresorin. Kundër tij, sipas asaj që bën të ditur AFP, është hapur një hetim.
Lexo më tej: Ramsdale, një portier në shënjestër: 17 stërlina në Leeds e një shkelm nga një tifoz i Tottenham
Joseph Watts, 35 vjeçar, është personi i akuzuar për agresion. Sipas rindërtimit të ngjarjes, ai duke ecur në një zonë afër fushës ka goditur me shkelm portierin rival, Aaron Ramsdale. Përveç kësaj, ai do të paraqitet para Gjykatës së Highbury më 17 shkurt. Pas ngjerjes së të dielës, FA e "dënoi ashpër" incidentin. Ndërsa Tottenham këmbënguli se "dhuna në çdo formë nuk ka vend në futboll".
Nga ana tjetër, disa informacione bëjnë me dije se tifozi i lartpërmendur mund të sanksionohet edhe nga Tottenham. Klubi po mendon t'i ndalojë atij përjetë hyrjen në stadiumin e Spurs.
