Goditje e rëndë për Juventus, pas vendimit të Gjykatës së Apelit të Federatës italiane të Futbollit. Në lidhje me rihapjen e procesit të fitimeve kapitale, bardhezinjtë kanë marrë një zbritje prej 15 pikësh në renditje. Vendimi do të hyjë menjëherë në fuqi, në kampionatin aktual të Serie A. Kështu, skuadra e Massimiliano Allegri zbret në 22 pikë, në vendin e dhjetë së bashku me Bolonja dhe Empoli. Bardhezinjtë shohin objektivin minimal të vendit të katërt, aktualisht me 34 pikë, shumë larg. E gjithë kjo padyshim pa rezultatin e apelimit në Këshillin e garancisë nga CONI që do të jetë në gjendje të konfirmojë dënimin ose ta anulojë atë.
Lexo më tej: Ndëshkohet Juventus, i hiqen 15 pikë nga renditja
Zona evropiane, me ndeshjet paraprake të Europa League, është nga ana tjetër tre pikë larg. Nëse UEFA nuk vendos të marrë masa për sezonin aktual, Juve do të kishte mundësinë të kualifikohej në Champions League edhe duke fituar Europa League. Për më tepër, me fitimin e Kupës së Italisë do të sigurojë edhe kalimin për Europa League të ardhshme.
KLASIFIKIMI I RI
Napoli 47 pikë, Milan 38, Inter 37, Lazio, Atalanta e Roma 34, Udinese 25, Torino e Fiorentina 23, JUVENTUS (-15), Bologna e Empoli 22, Monza 21, Lecce 20, Spezia e Salernitana 18, Sassuolo 16, Verona e Sampdoria 9, Cremonese 7.
VENDIMI I GJYKATËS FEDERALE TË APELIT
Gjykata Federale e Apelit shkoi përtej heqjes me 9 pikë të kërkuara nga prokuroria dhe ndëshkoi klubin bardhezi me heqjen e plot 15 pikëve. Shkak u bënë mashtrimet e klubit me bilancet e shitblerjes së lojtarëve. Dënime të rënda edhe për drejtuesit e klubit për të cilët u kërkua ndëshkim edhe nga UEFA dhe FIFA. 2 vjet e gjysmë për përjashtim për Paraticin, 2 vjet për Agnelli dhe Arrivabenen, 1 vit e 4 muaj për Cherubini dhe 8 muaj për Nedved, Garimberti, Vellano, Venier, Hughes, Marilungo dhe Roncaglio.
