Nicolò Zaniolo i thotë “jo” transferimit te Bournemouth. Drejtuesit e klubit anglez takuan sot stafin e lojtarit, duke vënë në tavolinë një kontratë mbi 4 milionë në sezon. Për të qenë më bindës ata shtuan një klauzolë lirimi në rast rënieje. E rëndësishme kjo me Bournemouth që është e treta nga fundi në Premier League. E megjithatë, futbollisti ka vendosur të mos pranojë ofertën, kryesisht sepse nuk ishte i bindur nga projekti. Në këtë pikë, pak ditë para përfundimit të merkatos së transferimeve, sulmuesi duket i destinuar të qëndrojnë te Roma. Problemi është se verdhekuqtë janë të tërbuar me zgjedhjet e lojtarit. Klubi ndihet i dëmtuar brenda dhe jashtë fushës (merkato verdhekuqe tani është e bllokuar, ed). Në këtë pikë masat disiplinore ndaj Zaniolo janë më shumë se një siguri. 23 vjecari rrezikon ta gjejë veten tashmë në fund të hierarkive të skuadrës së Mourinho.
Milani ishte tërhequr tashmë nga gara sepse nuk ishte në gjendje të plotësonin kërkesat e verdhekuqve. Bournemouth, nga ana tjetër, paraqitën një ofertë formale të konsideruar të kënaqshme, por u refuzuan nga lojtari. Anglezët kishin mbetur e vetmja rrugë e përshkueshme.
TËRHEQJA E MILAN
Roma e kishte pranuar ofertën, duke e lajmëruar lojtarin se e konsideronte jashtë projektit. Klubi anglez kishte ofruar 30 milionë euro plus 5 bonuse, duke iu afruar vlerësimit të bërë nga verdhekuqtë. Milan, nga ana tjetër, ishte ndalur rreth dhjetë milionë më poshtë. E për më tepër preferonte formulën e huazimit me të drejtë blerje, jo të detyruar. Friedkin nuk dëshiron të përforcojë një konkurrent të drejtpërdrejtë në garën për Champions League. Kështu, presidenti kishte një arsye më shumë për ta shtyrë lojtarin drejt Premier League. Por refuzimi i tij tani i ndërlikon shumë planet e klubit.
SITUATA, PENALIZUESE PËR KLUBIN E LOJTARIN
Për momentin, në pritje të zhvillimeve të reja, është duke u zhvilluar një përplasje e vërtetë, që nuk është në favor as të lojtarit dhe as të klubit. Klubi ia ka bërë të qartë Zaniolo se nuk ka më vend për të, nga tani deri në fund të sezonit. Mourinho e tregoi qartë duke mos e grumbulluar për sfidën me Napolin. Por skadenca e kontratës në 2024 rrezikon të ulë në minimum forcën e Romës në merkaton e ardhshme të transferimeve, kur vlerësimi për Zaniolo të binte sërish. E kjo si për shkak të statusit të lojtarit jashtë projektit, ashtu dhe për vetëm një vit të mbetur në kontratë.
