Çështja Nicolò Zaniolo vazhdon të mbajë në ankth Romën. Pas shigjetimit nga Mourinho, edhe tifozët verdhekuq treguan hapur këndvështrimin e tyre për këtë çështje. Të gjithë të pozicionuar dukshëm kundër lojtarit. “Zaniolo tradhtar, m*t i pa nder!” është shkruar në një pankartë të varur gjatë natës nga disa mbështetës të Romës në urën përballë Colosseo. Një gjest shënjestrues, që vërteton përfundimisht ndarjen mes ultrasve dhe numrit 22 të Romës.
Kështu, mbi cështjen Zaniolo, tensioni po rritet në Romë. Prej rreth një muaji lojtari ka shprehur qartë gatishmërinë për t'u larguar nga klubi. Kjo ka dëmtuar menjëherë marrëdhënien me të gjithë ambientin verdhekuq dhe e ka vënë në një situatë shumë të vështirë sulmuesin. Pas tërheqjes nga blerja e tij e Tottenham dhe Milan, i vetmi klub i interesuar për Zaniolo mbeti Bournemouth.
Lexo më tej: Milan e braktisi, te Bournemouth nuk dëshiron: Zaniolo tani rrezikon masat disiplinore të Romës
Gjithsesi, kjo zgjidhje nuk ishte e pëlqyer për fantazistin. Zaniolo tre ditë nga përfundimi i merkatos duket me shpatulla pas murit dhe pa alternativa. E mërzitur nga qëndrimi i Nicolò, Roma tashmë e ka bërë të qartë se mund ta dërgojnë lojtarin jashtë skuadrës deri në fund të sezonit. Një vendim drastik, i miratuar edhe nga Mourinho, vendosmërisht i mërzitur dhe i zhgënjyer nga zgjedhjet e Zaniolo. Me të gjithë kundër, e ardhmja e Nicolò është tashmë e vulosur në Romë.
