Olivia Wilde është parë së fundmi në praninë e ish partnerit, Jason Sudeikis pas ndarjes me Harry Styles. Dyshja u fotografuan tepër të afërt dhe në një moment u përqafuan.
Një burim i tha PEOPLE në nëntor se Wilde dhe Styles "po bëjnë një pushim" pasi u lidhën për herë të parë në janar 2021 ndërsa punonin në filmin e tyre Don't Worry Darling, në të cilin ajo shërbeu si aktore dhe regjisore. "Ai është ende në turne dhe tani po shkon jashtë vendit. Ajo po fokusohet tek fëmijët e saj dhe puna e saj në L.A. Është një vendim shumë miqësor," tha burimi i brendshëm, duke shtuar: "Ata janë ende miq shumë të ngushtë."
Një tjetër burim i brendshëm shtoi: "Pushimi ka qenë i vështirë për Olivia. Ata kanë pasur disa probleme, por Olivia mendoi se do t'i kalonin të gjitha. Ajo është e zhgënjyer. Megjithatë, është thjesht një situatë e ndërlikuar."
Dy muaj përpara se ajo dhe Styles të lidheshin për herë të parë në mënyrë romantike, mediat raportuan se aktorja dhe Jason i dhanë fund fejesës së tyre shtatëvjeçare në fillim të vitit 2020. "Ka qenë miqësore, dhe ata kanë kaluar në një rutinë të shkëlqyer bashkëprindërore," tha burimi. “Fëmijët janë prioriteti i tyre". Wilde që atëherë i ka kritikuar thashethemet se ajo la Sudeikis për Styles si "plotësisht të pasakta", duke i thënë Vanity Fair në shtator: "Marrëdhënia jonë kishte përfunduar shumë kohë përpara se të takoja Harry"./Lapsi.al
