Nuk është një moment i mirë për Hulk Hogan, një nga legjendat më të rëndësishme në historinë e Wrestling WWE. Këtë e dëshmoi Kurt Angle, miku i tij i vjetër brenda dhe jashtë ringut. “Hulk i ka të prerë nervat në pjesën e poshtme të trupit. Ai nuk arrin ta ndiejë pjesën e poshtme të trupit të tij – tha Angle, i ftuar në një podkast. Ai ka vazhduar të rrëfejë me detaje, duke zbuluar se e ka parë duke ecur me bastun. Ai nuk ka asnjë dhimbje dhe nuk ndjen asgjë. Më vjen shumë keq. Ai vendosi zemrën dhe shpirtin e tij në biznes dhe kjo e përpiu”.
Lexo më tej: Video/ Grushta në seri, Spears fluturon nga ringu: Tyson kthehet në Wrestling në ndihmë të ish-rivalit Jericho
OPERACION I PA SUKSESSHËM
Heroi olimpik u fokusua në situatën në lidhje me Hulk Hogan. Legjenda e Wrestling u shfaq në WWE më 23 janar për mbrëmjen që festonte 30 vjetorin e Monday Night Raw. Kjo është edhe shfaqja më e gjatë e kompanisë më të famshme të Wrestling në botë. “Hulk nuk i ndjen më këmbët. E gjitha kjo ndodhi pas një operacioni në shpinë që nuk shkoi mirë”. Prandaj, Hogan rrezikon të përfundojë në një karrige me rrota. Hulkster, legjenda e WWE dhe simboli i viteve 80 dhe 90 deri në mbërritjen e tij në WCW (kompania rivale në atë kohë), do të mbushë 70 vjeç më 11 gusht. Një karrierë shumë e gjatë dhe - padyshim - plot dëmtime për Hogan. Hulk iu nënshtrua rreth 25 operacioneve kirurgjikale gjatë jetës së tij.
