Napoli vazhdon të vrapojë në krye të renditjes. Në ndeshjen e drekës së javës së 21 të Serie A, skuadra e teknikut Spalletti mposhti 3-0 Spezian. E tani Napoli është 16 pikë nga Inter, në pritje të derbit të Milanos. Në Picco, në pjesën e parë, vendasit qëndruan prapa, mbyllën mirë hapësirat dhe frenuan manovrën e të kaltërve. Më pas, në pjesën e dytë, kryesuesit rritën xhirot dhe depërtuan mes radhëve. Kvaratskhelia (47') e zhbllokoi ndeshjen me penallti, para se Osimhen (69' dhe 73') të mbyllte rezultatin. Dygolësh i nigerianit, që përfitoi nga gabimet e Dragowskit dhe Caldara.
I pamëshirshëm dhe cinik. Napoli vazhdon të bëjë pikë dhe provoi t'i japë një shtysë tjetër renditjes në vigjilje të Inter-Milan. Në Spezia u luajt një tjetër shfaqje e bukur napolitane e sezonit. Një performancë që pas një pjese të parë të bllokuar nuk u dha asnjë shans lojtarëve të teknikut Gotti. Një konfirmim për organizimin dhe fuqinë e grupit të Spallettit. Osimhen dhe Kvaratskhelia ishin protagnistët që arkivuan ndeshjen. Por, në fushë, ishte performanca e zakonshme e ekipit që bëri diferencën për sa i përket lojës, vrapimit dhe intensitetit.
Një mekanizëm pothuajse perfekt në çdo repart pas 45' të vështira. I zbukuruar nga blitzet e zakonshëm të Kvara dhe fuqia dërrmuese fizike e Osimhen. Të gjitha të manovruara me saktësi dhe ritëm në mesfushë nga Lobotka & Co. dhe të mbështetura nga një mbrojtje graniti. Shumë për Spezian, e aftë të rezistojë vetëm një pjesë ndaj kryesuesve. E tani gjithnjë e më shumë pranë zonës së rënies në renditje.
GOLAT E NAPOLIT
[video width="952" height="516" mp4="https://cdnimpuls.com/lapsi.al/wp-content/uploads/2023/02/napoli-1.mp4"][/video]
[video width="952" height="516" mp4="https://cdnimpuls.com/lapsi.al/wp-content/uploads/2023/02/napoli-2.mp4"][/video]
[video width="952" height="516" mp4="https://cdnimpuls.com/lapsi.al/wp-content/uploads/2023/02/napoli-3.mp4"][/video]
