Shtetet e Bashkuara kanë këshilluar qytetarët amerikanë që të largohen menjëherë nga Rusia për shkak të luftës në Ukrainë dhe rrezikut të arrestimit nga agjencitë ruse të zbatimit të ligjit.
“Qytetarët amerikanë që banojnë ose udhëtojnë në Rusi duhet të largohen menjëherë”, tha ambasada amerikane në Moskë,” tha ambasada në një njoftim.
Shtetet e Bashkuara kanë paralajmëruar vazhdimisht qytetarët e tyre që të largohen nga Rusia. Paralajmërimi i fundit i tillë publik ishte në shtator, pasi Presidenti Vladimir Putin urdhëroi një mobilizim të pjesshëm.
“Shërbimet ruse të sigurisë arrestuan shtetas amerikanë me akuza të rreme, diskriminuan qytetarët amerikanë në Rusi duke i burgosur dhe duke iu mohuar të drejtat”, tha ambasada.
“Autoritetet ruse zbatojnë arbitrarisht ligjet lokale kundër udhëheqësve fetarë që janë shtetas amerikanë dhe kanë nisur hetime të dyshimta penale kundër shtetasve amerikanë të përfshirë në veprimtari fetare”.
Rusia ka hapur një çështje penale kundër një shtetasi të Shteteve të Bashkuara për dyshimin për spiunazh, njoftoi Shërbimi Federal i Sigurisë (FSB) në janar.
