Në rastin e plusvalencave të Juventus, Piero Sandulli u vetëpezullua nga roli i zëvendëspresidentit të seksionit të dytë të Kolegjit të Garancisë në sport. Pak javë më parë gjykatësi kishte lëshuar disa deklarata në shtyp. Të gjitha në lidhje me dënimin që e zbriti Juventusin me -15 në kampionat. Deklarata që Kolegji i Garancisë në Coni i kishte specifikuar në një shënim të datës 3 shkurt se ishin "personale".
Gjatë intervistave, Sandulli hyri shumë në specifikat e dënimit të Gjykatës Federale të Apelit. Në lidhje me penalizimin e Juventus me - 15 pikë, ai evidentoi shumë pika të forta, si listimi i shoqërisë në bursë. E vetëm një pikë të dobët: argumentimi i pakët për masën e dënimit.
Një ekzaminim nga një ekspert dhe jurist veteran, që gjithsesi sikletosi Kolegjin e Garancisë. Kjo për faktin se u bë para gjykimit të vetë Kolegjit. Nga këtu erdhi edhe vendimi i Sandulli për të pezulluar veten. Një situatë që gjithsesi nuk e ndryshon ankthin e bardhezinjve për vendimin që do të merret nga Kolegji. Juventus ka varur shumë shpresat te Coni, se cështja do të kthehet për rigjykim.
