Autori i vendosjes së tritolit në hotelin që u rrafshua mëngjesin e djeshëm në Sarandë është arrestuar. Policia sqaron se në pranga ka rënë Sotir Çabiri, djali i një prej bashkëpronarëve të hotelit. I ati i të arrestuarit, Çabiri ishte në një proces gjyqësor prej 20 vitesh me Dhimitër Evangjeliun sa i takonte pronësisë së hotelit.
Si pasojë e shpërthimit me eksploziv, u shkatërrua plotësisht hoteli i ndërtuar në vitin 1996. Po ashtu u shkaktuan dëmtime të fasadave të objekteve të tjera në afërsi të hotelit. Nga shpërthimi nuk pati asnjë njeri të dëmtuar.
