Në stadiumin Giuseppe Meazza u zhvillua ndeshja Milan-Tottenham, e vlefshme për ndeshjen e parë të 1/8 të Champions. Ndeshja u mbyll me fitoren 1-0 të kuqezinjve, falë golit të shënuar nga Brahim Diaz në minutën e 7'. Një ndeshje në të cilën që në fillim, të besuarit e Pioli treguan në fushë atë agonizëm që i kishte munguar javët e fundit. Para fillimit të sfidës, megjithatë, ndodhi një episod i shëmtuar në tribuna.
Para fillimit të ndeshjes Milan-Tottenham, dy skuadrat u ndalën në rrethin e mesfushës për t'iu kushtuar një minutë heshtje viktimave të tërmetit që goditi Turqinë dhe Sirinë. Megjithatë, fjalë të rënda dhe të pavend fluturuan nga tribunat. Disa tifozë të Milan nuk e kuptuan që shkatërruan atë që supozohej të ishte një moment solidariteti.
Lexo më tej: Tjetër stërkëmbësh i Calhanoglu ndaj Milan, mesazh për Kessie: “Eja te Inter!”. Marotta kontakton Barcelonën
Gjatë minutës së heshtjes, fjalët "Conte ik q*u" kumbuan në San Siro. Një fyerje për trajnerin e Tottenham për të kaluarën e tij si ish-trajner i Interit. Fatkeqësisht asgjë e re në botën e futbollit. Por që në këtë kontekst specifik përkonte me mospërfilljen totale të respektit. Një mbrëmje e mrekullueshme futbolli e shoqëruar nga një faqe e shëmtuar, shumë e shëmtuar tifozllëku.
