Policia e Beratit ka kapur sërish, një hajdut, mjeshtër në zanatin e tij. Ai kreu katër vjedhje brenda një nate në banesa të ndryshme dhe Policia e Beratit organizoi një operacion të ri “Episodet” për kapjen e një personazhi që ishte shumë i njohur për të.
Policia arrestoi 24-vjeçarin Andrea Zenellari, banor i Beratit, i dënuar disa herë më parë për vjedhje.
Sipas Policisë, “nga veprimet hetimore dhe provat e sekuestruara, rezultoi se 24-vjeçari është autor i 4 vjedhjeve të ndodhura gjatë natës së datës 17 shkurt 2023. Ai vodhi shuma parash dhe sende të ndryshme, në 4 banesa në lagjen “30-vjetori”.
Vazhdon punapër dokumentimin e vjedhjeve të tjera që dyshohet se janë kryer nga ky shtetas. Dosja e tij shkoi sërish pranë Gjykatës së Rrethit Gjyqësor Berat, për veprime të mëtejshme.”
