“Është Liverpool-Real Madrid, është një ndeshje e mrekullueshme mes dy skuadrave të mëdha”. Jurgen Klopp shkon i sigurtë drejt përballjen me mbretërorët, edhe pse këtë herë vlen 1/8 e Champions dhe jo finale si qershorin e kaluar. Pikërisht atë ndeshje trajneri i Reds rrëfen se nuk e kishte parë përsëri, deri fundjavën e kaluar: "E menjëherë e kuptova përse. Ne luajtëm mirë dhe mund të kishim fituar, kështu që ishte një torturë e vërtetë ta shihja përsëri". Në sallën e shtypit të Anfield, e tejmbushur nga gazetarë, gjermani nuk ngurroi të bënte humorin: "E mbushur plot? Duhet të fillojmë të shesim bileta". Klopp, gjithësesi, tregon entuziazëm për një ndeshje kaq të madhe. Ai parashikon vështirësitë e një sfide kundër një ekipi plot kampionë. Sidomos kur Reds, pas një sezoni shumë të vështirë, më në fund po japin disa shenja zgjimi.
Lexo më tej: Video/ Real kampion i Europës: Vinicius fut Ancelottin në legjendë, Liverpool përplaset te Courtois
Elozhet e Jurgen Klopp shkojnë para së gjithash për Carlo Ancelotti: “Ai është trajneri më i relaksuar me të cilin jam përballur – thotë ai –. Një nga njerëzit më të mirë që mund të takoni ndonjëherë. I mrekullueshëm dhe modest në të njëjtën kohë, super i zgjuar dhe i këndshëm. Menaxhimi i tij i lojtarëve është në një nivel krejtësisht të ndryshëm nga ne të tjerët. E respektoj dhe e admiroj shumë. Ai është trajneri perfekt për një ekip plot kampionë, që kanë shtuar lojtarë të rinj shumë të fortë. Në La Liga ata janë disa pikë prapa Barcelonës, por janë gjithmonë super konkurrues dhe të vështirë për t'u mposhtur. Por ne duhet të përpiqemi gjithsesi”.
