Episodi është kandidat për çmimin e kartonit të verdhë më argëtues në historinë e futbollit. E duke parë çfarë ndodhi ka një shans të mirë që të shpartallojë konkurrencën. E me një dozë të mirë autoironie, Luke O'Nien (në këtë histori është fajtori), propozon një konkurs në rrjetet sociale: "Është vërtetuar që jam idiot... Tani le të argëtohemi pak: montazhi video ose diçitura fiton një fanellë të Sunderland, të firmosur nga djemtë”.
TË QESHURAT E PUBLIKUT
Episodi ndodhi në Championship, të shtunën, në ndeshjen mes Sunderland (i pesti në renditje) dhe Bristol (15) që përfundoi 1-1. O'Nien u nis në ndjekje të sulmuesit të Bristol, Alex Scott, i nisur në kundërsulm. Në fund ndërhyrja pati sukses, por në një mënyrë origjinale. O'Nien ngjitet mbi kurrizin e kundërshtarit dhe varet aty. Arbitri i tregon kartonin e verdhë për të qeshurat e publikut dhe protagonistëve. Videoja u bë virale në rrjetet sociale dhe ngjalli të qeshura edhe te tifozët, aq sa O'Nien nisi konkursin.
Lexo më tej: Video/ Fulham eliminon Sunderland në shtëpi: Wilson, Pereira e Kurzawa fiksojnë suksesin 2-3 në FA Cup
TALENT E IRONI
Sunderland e ka marrë për të përforcuar mesfushën, edhe pse sipas trajnerit Tony Mowbray ai është kryesisht një mbrojtës. "Por ai është një djalë i mrekullueshëm e i gjithanshëm. Ai ka besim të madh në atë që mund të bëjë. Më tha se mund të luajë si qendërsulmues, të shkaktojë kaos dhe të shënojë 15 gola në sezon". Me diçka shtesë, është një gjeni edhe në ironi.
