Juventus rrezikon t'i duhet të bëjë pa Federico Chiesa për ndeshjen delikate dhe vendimtare në Europa League kundër Nantes. Në fakt, anësori i Juventus nuk ka marrë pjesë në stërvitjen përfundimtare të mëngjesit të së mërkurës. Chiesa pasi ka punuar pjesërisht në grup të martën, sot bëri vetëm palestër. Prania e tij në Francë duket shumë në dyshim. Konferenca për shtyp e Max Allegrit është planifikuar për në mbrëmje, ku me siguri do të diskutohet për gjendjen e lojtarit. Tekniku e mbajti Chiesa pushim në transfertën në Spezia për shkak të lodhjes, por problemi nuk u shmang.
Lexo më tej: Video/ Kean e hapi, Di Maria e mbylli: Juventus nuk mahnit, por fiton edhe në Spezia
Lajme të tjera të mira ndërkohë në frontin e Paul Pogba. Për të dytën ditë radhazi, francezi punoi tërësisht me grupin. Kështu, numërimi mbrapsht për rikthimin e tij duket se ka nisur zyrtarisht. Do të jetë e vështirë për ta parë atë në skuadrën tashmë në Europa League, duke pasur parasysh ndalesën shumë të gjatë dhe shqetësimet e fundit. Por derbi me Torinon të martën në mbrëmje mund të jetë vendi i duhur. Kundër granatave, Pogba mund të synojë thirrjen e dytë të sezonit, pas asaj me Monzën, e ndoshta edhe debutimin e tij.
