Përfundon 0-0 ndeshja e parë cerekfinale e Kupës së Shqipërisë, mes Egnatias e Laçit. Rrogozhinasit ishin më kërkues, por nuk mundën të gjenin hapësira në prapavijën e bardhezinjve. Mezani i kishte marrë masat, duke bllokuar Dwamena e duke fshirë kështu ofensivën vendase. Laçi përmirëson rezultatin e kampionatit dhe do ta luajë kualifikimin në kthim, në shtëpi.
Egnatia ishte disi e ngarkuar në pjesën e parë dhe humbi pikën e referimit. Dëamena, gjithnjë nën kontroll të dy lojtarëve, e la skuadrën pa pikë referimi. Kundërsulmi i miqve tentonte të bënte keq dhe madje e rrezikoi portën e Sherrit në dy raste. Nëse Tetova nuk shkoi në dhomat e zhveshjes në disavantazh duhet të falenderojë sakrificën e nigerianit Atanda, që shpëtoi portën në dy raste.
[video width="768" height="440" mp4="https://cdnimpuls.com/lapsi.al/wp-content/uploads/2023/02/egnatia.mp4"][/video]
Egnatia u mundua të ndryshojë ritëm gjatë pjesës së dytë, por Laçi u mbyll mirë prapa. Mezani përdori kundërsulmin, që mund edhe ta nxirrte fitues. Në fakt, të dy ekipet patën rastet e tyre për të shënuar, pa arritur të finalizojnë.
0-0 mban hapur të gjithë skenarët dhe kualifikimi do të vendoset në Laç. Mezani shpreson në faktorin fushë, për të kaluar Egnatian. Tetova në anën tjetër, tregoi edhe në kampionat se di të fitojë në transfertën e Kurbinit. Laçi duhet të bëjë kujdes, sepse gjithcka mund të ndodhë.
