Ish-ministrja e Integrimit Majlinda Bregu ka reaguar për tragjedinë me tre gra të vrara sot në Tiranë, nga autori Dan Hutra.
Ajo shkruan se çdo vendim i një gjykatësi të varur nga korrupsioni përbën një krim. Mes të tjerash Bregu thotë se dhuna e vrasja e grave nuk është çështje kulture e zakoni, por është krim kundër jetës që po merr përmasa terrorizmi.
“Vonë sot për shkak të angazhimeve të punës, mësova për këtë tmerrin e radhës, ku skema e krimit ngjan kaq përbindshmërisht me rastin paraardhës e me gjasë do të ngjajë edhe me atë pasardhës.
Një përbindësh që kalon një vit në burg, vetëm NJE VIT duke ndêrtuar skemën e hakmarrjes ndaj gruas që e padit për vetmbrojtje.
Po po. Vetëmbrojtje është çdo akt shkëputje nga dhuna.
Ndërsa çdo vendim i një gjykatësi të pavarur, por të varur te korrupsioni i lekut, tashmë me këto përmasa që ka marrë vrasja e grave, është KRIM.
Me dashje a pa dashje, me burokraci, me vonese e mosveprim, ata që vetëm punën nuk bëjnë për të ndalur përmasat e këtij krimi, janë më dhunues se dhunuesit.
Dhuna dhe vrasja e grave nuk është CESHTJE KULTURE E ZAKONI, por është KRIM kundër JETES që po merr përmasa TERRRORIZMI!”, shkruan Bregu.
