As aksidenti i rëndë i autobusit tek Unaza e Tiranës nuk i shpëtoi paternit të njohur tashmë të autoriteteve shqiptare, të reagosh pasi ndodh e keqja dhe jo ta parandalosh atë.
Një video (poshtë) që vjen në redaksinë e Lapsi.al tregon se policia po kryen kontrolle mbi autobusë që udhëtojnë në kryeqytet. Mësohet se policia po kontrollon kolaudimin e autobusëve dhe gjendjen e shoferëve.
Çfarë vlen për t'u përmendur është se u desh jo një, por dy aksidente në zemër të kryeqytetit që policia të vihet në veprim kundrejt rrezikut që shfaqin këto mjete lëvizëve disa tonëshe.
Lexo më tej: Aksidentet/ Si po i shmanget Veliaj përgjegjësisë për kontrollin e linjave urbane
Ndërsa aksidenti i vjetshëm i autobusit tek Lana u devijua nga i pari i bashkisë së Tiranës në një debat artistik, a ja vlente që autobusi të qëndronte si instalacion dhe urë, aksidenti i pardjeshëm duket se nuk mund të shitej si instalacion, dhe as si memorial kujtese.
Kësaj radhe, autoritetet u zgjuan për të reaguar. Kompanitë e transportit dhe shoferët e autobusëve duhet të qëndrojnë alert një ose dy javë, të paktën derisa ndonjë tjetër aksident tragjik të zhvendosë fokusin, e institucionet tona t'i kthehen rënies së daulleve të propagandës. ©Lapsi.al
[video width="1080" height="1170" mp4="https://cdnimpuls.com/lapsi.al/wp-content/uploads/2023/03/kontrollet.mp4"][/video]
