Ish-drejtori i përgjithshëm i Juventus, Luciano Moggi ka zgjedhur të flasë në mikrofonat e Radio Bianconera për situatën e klubit. Big Luciano ka bërë një bilanc të momentit të skuadrës: “Në derbin e djeshëm, Torino ishte superior në pjesën e parë. Por në pjesën e dytë bënë diferencën burimet më të mëdha në dispozicion të Allegri”.
Gjatë intervistës së tij, Moggi ka dhënë opinionin e tij për impenjimet e ardhshme: “Duhet të arsyetojnë ndeshje pas ndeshjeje dhe të shohin të ardhmen me vetëdije. Ndeshja në Romë do të jetë shumë e vështirë dhe pikërisht në këto ndeshje shihet vlera e një skuadre”.
Më pas, Big Luciano bëri një konsideratë për dënimin e dhënë kundër klubit: “Besoj se fitimet kapitale janë të lejuara. Juventus është i kuotuar në bursë dhe për këtë arsye nuk mund t'i bëjë ato. Por kjo ka të bëjë me Consob, jo me drejtësinë sportive. Mendoj se pikët e dënimit mund t'i hiqen”. Në fakt, Moggi kishte hipotezuar edhe dënimin që mund të merrte Juve para se të shprehej Komisioni i Apelit. Në atë rast, ish-drejtori gaboi keq parashikimin e penalitetit, por ndoshta këtë herë e gjen saktë.
