Një person ka humbur jetën dhe të paktën 5 të tjerë janë plagosur nga një shërthim në hyrje të gjykatës Themelore të Podgoricës. Mediat malazeze shkruajnë se viktima është një 39-vjeçar i identifikuar si Mladen Bulatoviç. Ishte pikërisht ai që ka shpërthyer një granatë dore në hyrje të gjykatës.
Sipas të njëjtave informacione, nga shpërthimi i bombës kanë mbetur të plagosur 5 persona, njëri prej të cilëve është në gjendje të rëndë.
“Në orën 11:35 kemi marrë njoftim se në ndërtesën e Gjykatës Themelore është aktivizuar një mjet shpërthyes dhe se ka persona të lënduar. Kemi konstatuar se është vrarë M.B.(39) i cili ka aktivizuar mjetin shpërthyes. Kemi edhe pesë persona të lënduar të cilët janë kujdesur në Qendrën Klinike”, - tha Srđa Korać nga Policia Kriminale sipas portalit “Vijesti”.
Për ngjarjen kanë nisur hetimet. Në vendngjarje prane gjyjates se Podgoricës ndodhen ekipet e policisë dhe emergjencave. ©LAPSI.al
