Chelsea është duke punuar me plane të mirë menduara për të ardhmen e tyre. Në veçanti, klubi londinez është gati të shembë stadiumin aktual të Stamford Bridge për të ndërtuar një impiant të ri. Shtëpia e re e Blues do të ngrihet mbi hirin e të vjetrit. Lajmin e bën të ditur Telegrafi edhe pse duhet theksuar se ende nuk është marrë ndonjë vendim zyrtar.
Anëtari i bordit të Chelsea, Jonathan Goldstein, dhe Janet Marie Smith, nënkryetare ekzekutive e planifikimit dhe zhvillimit për Major League Baseball (MLB) Los Angeles Dodgers, janë në krye të projektit për stadiumin e ri.
Lexo më tej: Video/ Përmbysje e madhe e Arsenal, Nelson i jep fitoren në të 97′: Chelsea kthehet te fitorja, rrëzohen Spurs
Të dy janë në bisedime me Chelsea Pitch Owners (CPO), grupi aksionar që zotëron pronën e Stamford Bridge. Përvec kësaj, londinezët janë në pritje të rezultatit të një oferte prej 50 milionë £ (60 milionë dollarë) për të blerë një terren shtesë. Gjatë kohës së parashikuar për ndërtimin e stadiumit të ri, Chelsea do të luajë në Wembley. E njëjta situatë ndodhi edhe me Tottenham, deri kur stadiumi i ri i Spurs u bë gati të mirëpriste skuadrën.
Nga sa mësohet, mes prishjes së Stamford Bridge dhe ndërtimit të stadiumit të ri, investimi do të ishte rreth 1.5 miliardë paund. Koha e parashikuar për ta përfunduar projektin është 5 vjet. Kështu, që Chelsea do të mund të luante në shtëpinë e re, rreth vitit 2030.
