Max Verstappen dhe Red Bull nuk lënë asnjë diskutim në GP-në e parë të Botërorit në Bahrein. Kampioni në fuqi i botës “varrosi” garën me një performancë si lider i pashqetësuar. Demat shënuan menjëherë dopietën me Sergio Perez që fitoi duelin direkt me Charles Leclerc. Piloti nga Monaco iu dorëzua një problemi me njësinë e fuqisë së Ferrarit në xhiron e 41. Shoku i tij i skuadrës Carlos Sainz, i cili ishte i katërti për një kohë të gjatë, nuk mundi të mbronte shkallën më të ulët të podiumit. Presingu përfundimtar i Fernando Alonso me Aston Martin ishte befasues. Lewis Hamilton përfundoi i pesti pas Sainz. Vendi i gjashtë për Lance Stroll me Aston Martin tjetër dhe i shtati për George Russell në Mercedesin e dytë.
DOMINIMI I MAX E RED BULL
Të gjithë pas Red Bull dhe super Max Verstappen! Pikërisht kështu, madje edhe Ferrari që përfundoi vetëm në vendin e katërt me Carlos Sainz në GP e parë të sezonit në Bahrein. Asgjë për të bërë për Charles Leclerc. Ai u tërhoq në xhiron e 41-të për shkak të një problemi teknik me motorin, kur ishte në vendin e tretë. E mbi të gjitha shqetësim për skuderinë italiane, duhet të jetë dorëzimi: “Janë të një kategorie tjetër”, duke iu referuar rivalëve të Red Bull.
Në podiumin pas kampionit të botës dhe shokut të skuadrës Sergio Perez, ishte Fernando Alonso me Aston Martin. Spanjolli festoi me mekanikët e tij sikur të kishte fituar garën, por është legjitime. Për ekipin e Laërence Stroll, që la Ferrari dhe Mercedes pas që në start, është padyshim kështu. Vendi i pestë për Mercedesin e Lewis Hamilton, i gjashti për Lance Stroll, i shtati për George Russell. Zonë e mirë e pikësh për Alfa Romeo me Valtteri Bottas, i teti. Pikë edhe për Pierre Gasly, i nënti me Alpin dhe Alexander Albon, i dhjeti me Williams.
