Motra e Dan Hutrës e cila jeton në zonën e Saukut është paraqitur në polici për të kërkuar urdhër mbrojtje.
Ajo shprehet se pas dëshmisë së të vëllait dhe dinamikës së ngjarjes, me 3 viktima e 3 të plagosur me autor të dyshuar vëllain e saj, ndjehet e rrezikuar.
Ajo bashkë me të birin, thonë se lidhja e gjakut mes tyre dhe Hutrës, mund të nxisë familjet e dëmtuara që të kryejnë veprime hakmarrëse.
Ata kanë përmendur para oficerit që i ka pritur se janë nisur për të bërë një kërkesë të tillë, nisur edhe nga fakti i reagimeve të të njohurve apo familjarëve të viktimave, dhe sjellja në vëmendje e zakoneve të zonës për vrasjen e vajzave apo grave.
I prerë dhe gjakftohtë, Dan Hutra ka folur sërish nga gjykata ku ka pohuar se nuk pendohet për krimet e tij.
"I kam bërë të gjitha me vetëdije të plotë. Kur më dënuan për dhunë në familje, më dënuan pa asnjë provë, ndaj i bëra të gjitha. I pranoj të gjitha dhe nuk jam i penduar.
Etleva Kurtin e vrava se i vëllai deshi të më helmonte në burg.
Çfarë tha prokurori, i pranoj, i kam bërë të gjitha të menduara dhe nuk jam i penduar. Për të gjitha ngjarjet, kisha motivet e mia.."
