Juventus mund të marrë frymë lehtësisht. Përjashtohen dëmtimet për Federico Chiesa dhe Angel Di Maria. Dy sulmuesit dolën me shqetësime muskulare nga ndeshja e Europa League kundër Freiburg. “Këtë mëngjes Chiesa dhe Di Maria iu nënshtruan testeve diagnostike në J|Medical. Ato përjashtuan dëmtimet e kapsulës së ligamentit të gjurit të djathtë dhe të muskujve të kofshës së majtë respektivisht – thuhet në buletinin mjekësor të klubit të Juventusit –. Prandaj gjendja e tyre do të vlerësohet ditë pas dite".
Në vend të kësaj, Alex Sandro do të detyrohet të ndalojë për disa javë: “Alex Sandro iu nënshtrua edhe testeve diagnostikuese. Ato treguan një dëmtim të shkallës së ulët të muskulit të kofshës së majtë. Rifillimi i garës pritet pas pushimit për ekipet kombëtare".
Lexo më tej: Video/ Di Maria, njeriu-gol në Europa League i Juventus: Freiburg dorëzohet në Torino, poker i United
KONTROLLET MJEKËSORE
Kontrollet mjekësore kishin nisur që në mëngjes. I pari që mbërriti ishte mbrojtësi brazilian. Alex Sandro doli mbrëmjen e djeshme në pjesën e parë të ndeshjes ndaj Freiburg. Pas tij mbërriti Angel Di Maria. Argjentinasi në fund të takimit i kishte qetësuar të gjithë duke folur për “ngërçe normale”. Në fushë, Fideo kishte prekur disa herë fleksorin e tij. Në fund ishte radha e Federico Chiesa, i cili u largua nga fusha duke çaluar. Sulmuesi pësoi një problem në gjurin e djathtë dhe jo atë të operuar vitin e kaluar. E tij ishte situata që shqetësonte më shumë, por fatmirësisht problemi doli të ishte më pak serioz se sa pritej.
Pasi hyri në fushë në vend të Vlahovic, Chiesa e coi ndeshjen deri në fund vetëm sepse Juve i kishte kryer zëvendësimet. Në realitet, ndeshja e sulmuesit të Juventus kishte përfunduar shumë më herët, kur gjuri i tij pësoi një kthesë të panatyrshme. Pas ndeshjes, Max Allegri u përpoq t'i qetësonte të gjithë, duke u treguar optimist për gjendjen e lojtarit të tij.
