Në javën e 24 të Bundesligës, Freiburg, kundërshtari i radhës i Juves në Europa League, mposhti në shtëpi Hoffenheim 2-1. Vendasit përfituan pas pesë minutash me golin e Eggestein, miqtë barazuan në fillim të së dytës (48') me Stiller. Në fund, përjashtimi i Kabak i dha hapësira skuadrës së Streich, që fitoi ndeshjen me golin e Doan në minutën e 89'. Freiburg arrin Leipzig në vendin e tretë, me 45 pikë. Në ndeshjet e tjera fitore e Leverkusen në transfertën e Bremen, 2-3. Përfundon pa fitues sfida në Wolfsburg me Union Berlin.
Freiburg fitoi 2-1 ndaj Hoffenheimit, e i dërgon një sinjal Juventus për të enjten e ardhshme në kthimin e 1/8 të Europa League. Vendasit e nisën fuqishëm, duke zhbllokuar ndeshjen pas vetëm pesë minutash. Krosimi i Grifo nga e majta u grushtua nga Baumann, por topi përfundoi mes këmbëve të Eggestein që shënoi 1-0. Hoffenheim nuk reagoi menjëherë, me lojën që ra në gjumë dhe pati pak shanse para bilbilit të dyfishtë. Në fillimin e pjesës së dytë, erdhi goli i papritur i barazimit të miqve, të cilët gjetën 1-1 me Stiller në minutën e 48', në asistin e Dabbur.
Në minutën e 84-të ndeshja ndryshoi, me Hoffenheim që mbeti me dhjetë lojtarë për shkak të kartonit të dytë të verdhë të Kabak. Në minutat e fundit Freiburg përfitoi nga epërsia numerike dhe në minutën e 89' gjeti golin e ndeshjes falë zëvendësuesit Doan. Freiburg fitoi 2-1 dhe arriti Leipzig në vendin e tretë, me 45 pikë. Hoffenheim mbetet në prapavijë, me vetëm 19 pikë dhe në vendin e tetëmbëdhjetë.
Bundesliga Germany
Freiburg 2-1 Hoffenheim
Werder Bremen 2-3 Bayer Leverkusen
Wolfsburg 1-1 Union Berlin
