Është mbledhur në këto momente Komisioni i Ankimimeve dhe Sanksioneve (KAS) në KQZ ku edhe po shqyrtohet ankesa e PD-së së Berishës dhe grupimit “Alibeaj” për regjistrimin në zgjedhjet e 14 majit.
Përfaqësuesi ligjor i grupit të Alibeajt, Indrit Sefa gjatë fjalës së tij tha se autorizimi që ka lëshuar kryetari i dorëhequr Lulzim Basha u jep tagër përfaqësuesve për regjistrimin. Sipas tij autorizimi është i vlefshëm për çdo datë zgjedhjesh.
Nga ana e tij përfaqësuesi i grupit të Berishës, Ledio Nuraj, tha se është anëtarësia ajo që vendos për një parti politike, duke shtuar se komisioneri bëri rolin e gjykatësit.
Më herë Kryekomisioneri Shtetëror i Zgjedhjeve, Ilirian Celibashi vendosi mosregjistrimin e asnjërës prej palëve në Partinë Demokratike në zgjedhjet lokale të 14 majit. Më poshtë VIDEO e mbledhjes LIVE. ©LAPSI.al
