Nuk është absolutisht momenti më i mirë i grupit kombëtare të Shqipërisë, në vigjilje të debutimit të trajnerit, Sylvio Mendes Campos Junior. Braziliani ka shpallur tashmë listën me emrat e 23 lojtarëve që do të grumbullohen për ndeshjen e parë në Kualifikueset e Euro 2024 ndaj Polonisë, që do të luhet më 27 mars 2023. Sylvinho duhet të bëjë pothuaj pa mbrojtjen Serie A, pika e forcës e kuqezinjve. Gjimshiti i dëmtuar, Kumbulla totalisht jashtë forme e në ankth për Ismajlin. Mbrojtësi i Empolit doli i dëmtuar pas 20 minutash në ndeshjen e djeshme ndaj Atalantës, e humbur 2-1.
Nuk janë pozitat më të mira edhe në aspektin e sulmit. Armando Broja vazhdon të jetë i dëmtuar, Rey Manaj është edhe pa skuadër, pa llogaritur Kristjan Asllanin që nuk ka minuta fare në këmbë me Inter. Kështu, tekniku brazilian ka përfshirë emra të rinj. Jon Mersinaj, Andi Hadroj, Jasir Asani, Lindon Selahi dhe Anis Mehmeti janë elementët për tu parë. Ndërsa pjesa tjetër është thuajse i njëjti grup që mori pjesë në edicionin e fundit të Ligës së Kombeve.
Tre portierët e ftuar nga Sylvinho janë Etrit Berisha, Thomas Strakosha e Elhan Kastrati. Ndërsa në mbrojtje janë Elseid Hysaj, Ivan Balliu, Ermir Lenjani, Adrian Ismajli, Marash Kumbulla e Frederic Veseli. Në mesfushë do të jenë Qazim Laçi, Kristjan Asllani, Klaus Gjasula, Amir Abrashi, Ylber Ramadani, dhe Nedim Bajrami. Ndërsa në sulm janë thirrur Sokol Cikalleshi, Myrto Uzuni dhe Taulant Seferi. Kombëtarja do të nisë grumbullimin të dielën në Tiranë. Sfida Poloni-Shqipëri, e vlefshme për kualifikueset e Europianit 2024, grupi E, do të luhet më 27 mars në stadiumin “PGE Narodoëy” të Varshavës dhe nis në ora 20:45.
