“Jam shumë i lumtur sepse jam nga Maqedonia. E çdo shqiptar nga Maqedonia e pret ftesën nga Kombëtarja shqiptare, sepse jemi shqiptar. Do të japim më shumë se 200% nga vetja, cdo futbollist e ka ëndërr që të luajë për Kombëtaren. E kam pritur me shumë gëzim. Do të jap maksimumin tim që të marrim më të mirën". Jasir Asani i gëzohet thirrjes së parë nga tekniku Sylvinho dhe të parë absolute me fanellën kuqezi. Shqiptaro-maqedonasi e ka dashur gjithnjë këtë pjesë, edhe kur luante për Partizanin. E tani, Asani mund ta bëjë ëndërrën realitet në sfidën me Poloninë. "Ftesën e kam pritur gjithmonë sepse jam shqiptar. Ëndrra ime ka qenë që të luaj për Kombëtaren shqiptare. E kam pranuar me shumë dëshirë. Edhe familja ime ka qenë shumë e lumtur për ftesën. Ne do të shkojmë për fitore. Të japim maksimumin dhe të dalim me një rezultat pozitiv".
Mbi brazilianin njohjet nuk është se janë të shumta, edhe pse opinioni i mbledhur nga ata që kanë punuar më parë me të është pozitiv: "Kam pasur shok që kanë punuar me Sylvinho dhe më kanë thënë fjalë të mira për të. Besoj se do shkoj shumë mirë. të arrijmë objektivat dhe që nga ndeshja e parë të japim maksimumin".
DETYRIMI PËR TË KËNDUAR
Asani ka folur edhe për pritjen që i është bërë në kombëtare dhe natyrisht rregullin tashmë në të gjithë skuadrat për të kënduar para të tjerëve në thirrjen e parë: "Kam disa lojtarë që njoh prej disa kohësh dhe më kanë pritur mjaft mirë. është një emocion shumë i madh dhe jam ndjerë shumë mirë. jam i lutur që jam këtu. Nuk kam kënduar. Sot në darkë do të këndoj. Më kanë pritur mjaft mirë dhe jam i lumtur që jam këtu. Urimi më i veçantë? Alban Hoxha. Kemi kaluar shumë kohë te Partizani dhe më ka uruar me shpirt e me zemër që erdha në Kombëtare”.
https://www.youtube.com/watch?v=Sb4vpNqNsiY&t=621s
