Të martën, zëdhënësi i Këshillit të Sigurisë Kombëtare të Shtëpisë së Bardhë, John Kirby tha se SHBA-të nuk e shohin Kinën si të aftë për të qenë një ndërmjetës i paanshëm midis Moskës dhe Kievit për luftën në Ukrainë.
Duke folur në përgjigje të Putinit që përshëndeti propozimet e Kinës për paqen në Ukrainë, Kirby shprehu kritikat më të drejtpërdrejta deri më tani për qëllimin e Kinës për të qenë ndërmjetës në përpjekjet për t’i dhënë fund luftës.
Ai vuri në dukje se Kina është përmbajtur nga kritikimi i pushtimit rus të Ukrainës dhe ka vazhduar të blejë naftë ruse edhe pse Perëndimi ka vendosur sanksione ndaj industrisë energjetike të Moskës.
