Ai është shkarkuar, ajo ka ikur. Nuk janë ditë të lehta për Julian Nagelsmann dhe partneren e tij, Lena Wurzenberger. Të dy janë në një lidhje që nga viti 2022, por tani njësoj të papunë. Gruaja ka komunikuar dorëheqjen e saj nga Bild, gazetë me të cilën punon prej vitesh. Në përfundim të afatit të lajmërimit, gazetarja do të largohet nga redaksia. Të dy ishin me pushime në Austri kur Nagelsmann u kontaktua nga gazetarë të ndryshëm, të cilët donin të kishin informacion mbi zërat në lidhje me shkarkimin e tij. Tekniku në fakt nuk dinte asgjë e pak pas orës 22 të mbrëmjes së së enjtes, kontaktoi në telefon me CEO Oliver Kahn. Ish-portieri i kërkoi të vinte në zyrë të nesërmen (të premten). Pothuajse në të njëjtën kohë, Wurzenberger do të largohet gjithashtu nga detyra te Bild.
HISTORIA MES NAGELSMANN E TË FEJUARËS LENA
Gazetarja mbulonte sportin për gazetën gjermane, duke u marrë edhe me çështje që kanë të bëjnë me Bayern Munich. Për këtë arsye, në korrik 2022, kur Nagelsmann u bë trajner i bavarezëve, Bild vendosi të transferojë Wurzenberger në redaksinë e kronikës lokale. Ata donim të shmangnin që të kishte një konflikt interesi që do ta vinte në vështirësi. Në realitet, thashethemet që i përkisnin asaj dhe Nagelsmann krijuan sidoqoftë tensione.
NAGELSMANN E WURZENBERGER ÇIFTI I "PAPUNË"
"Për raportin e Lena dhe Julian kemi folur ekzaktësisht ashtu si kemi bërë për lidhjet e çdo trajneri tjetër të Bayern. E do të vazhdojmë të bëjmë të njëjtën gjë - tha një zëdhënës i Bild -. Ajo nuk ishte e përfshirë asnjëherë në përshkrimin e marrëdhënies”. Për momentin nuk ka zëra në lidhje me një angazhim të mundshëm pune në të ardhmen e Wurzenberger. Ashtu siç nuk ka asnjë gjë konkrete për Nagelsmann. E sigurt është se ai u shkarkua. Ajo iku vetë.
