Thomas Tuchel është trajneri i ri i Bayern Munich. Tekniku është prezantuar tashmë zytrarisht nga bavarezët, për të marrë vendin e të shkarkuarit Julian Nagelsmann. Shoqëria bavareze ka përfitur nga pauza për kombëtaret për të marrë një vendim drastik, më shumë për mosmarrëveshjet e brendshme sesa për rezultatet në fushë. Tuchel ka qenë në shoqërinë e Ceo Oliver Kahn dhe Hasan Salihamidzic gjatë prezantimit: "Ekipi që do të kem në dispozicion - komentoi Tuchel - është një nga më të fortët dhe më të talentuarit në Evropë. Ne mund të fitojmë gjithçka".
Një ambicie që gjithmonë është e njëjta për klubin gjerman: “Të kërkohesha nga Bayern Munich ishte një nder. Pasi punova jashtë vendit për një kohë u bëra edhe më i vetëdijshëm për rëndësinë e këtij klubi, të cilin e falënderoj. ADN-ja e këtij klubi është fitorja dhe ne mund të luajmë për çdo titull me skuadrën në dispozicion”.
Tuchel më pas tregoi prapaskenën që e solli në Bavari: "Dimensioni i kësaj sfide ishte faktori vendimtar që më solli këtu. Pastaj u afrova edhe më shumë me familjen. Mendova se do të vazhdoja të punoja jashtë vendit, pastaj të martën më thirrën dhe gjithçka ishte shumë e shpejtë. Nuk kishte pasur kurrë asnjë kontakt më parë".
DEBUTIMI QË NUK DO TË DONTE
Trajneri 49-vjeçar gjerman do të debutojë kundër Borussia Dortmund, një pjesë e rëndësishme e së kaluarës së tij: “Menjëherë e kuptova se ndeshja e parë do të ishte kundër kryesuesve të Borussia. Por tani është një histori e disa viteve më parë dhe rëndësia e kësaj ndeshja është shumë e qartë. Fakti që ata janë përpara nesh në renditje sigurisht që e bën atë edhe më shpërthyese. Tani është një çështje për të njohur lojtarët dhe për të shkundur të kaluarën. E ndoshta jo të gjithë do të jenë të lumtur. Kundër Dortmund duam të vendosim pikën e parë sinjifikative, unë tashmë e kam një ide dhe u besoj lojtarëve."
Kontrata e Tuchel do të jetë për dy vjet e gjysmë: "Kam qenë te Chelsea për 18 muaj edhe pse kam pasur një kontratë pesëvjeçare. Nëse gjërat shkojnë mirë ne do të përpiqemi ta zgjasim".
